Cod. 8954 - 24r

Extract aines schreibens aus Prag den 25. Janner
Dieweill die F(ürs)t(liche) Durch(lauch)t ertzherzog Ernnsten die verschine tag uff der post aus Wien unversehens hie ankhommen ist und allen wullin tuech fierern hie angesagt worden, daz sy khaine schwartze tuech verkauffen sollen mit dem nebenvermelden, man seye bedacht, der hartschier unnd trabanten zue khlaiden.
Auch ettlicher hocher leüth currier und andere bevelchshaber nit khönden abgeförtiget werden aus mangell Irer Kay(serlichen) Ma(jestä)t etc. underzaichnus.
Sein ettliche fürnemme medici und ärtzte, so hieher beruffen worden, widerumb abgeförtiget, unnd der hof die khlag khlaider noch antragen thuet mit fürgeben, solliches gescheche noch vonn wegen der verstorbnen khönigin inn Spannia.
Würdet allerlay vermuetet, darvon noch zuer zeit zueschreiben, der feder nit zuevertrauen ist. Darmit inn eill und vertrauen auf dismal nit mehr.