Erwähnte Orte
Erwähnte Personen
Titel | Funktion | Identifizierung | Erwähnungen insgesamt |
---|---|---|---|
Rudolf II. | Kaiser |
2139
|
|
Maximilian von Österreich |
593
|
||
Breuner, Friedrich | Diplomat |
15
|
|
Murad III. | Sultan |
962
|
|
Kalaylikoz Ali Pascha [Qalaylıqoz ʿAlī Paša] | Amtsträger |
63
|
|
Koca Sinan Pascha [Qoca Sinān Paša] | Amtsträger |
492
|
|
Siebenbürgen und Polen, Stefan Báthory von |
312
|
||
Germigny de Germoles, Jacques | Diplomat |
20
|
Transkript
Aus Wien vonn 23. Marty
1] Die F(ü)r(stliche) Durch(lauch)t erzherzog Maximilian raißen nach Linz, alda inn namen der Kay(serlichen) M(ajestä)t ainen lanndtag zuehallten.
2] Unsrer rhais halben nach Augspurg ist noch nichts grundtlichs zuemelden, mecht sich aber baldt eröffnen.
3] Dieser zeit ist bey unns nichts sonnderlich neüs, allain haben wir ainen currier hinein nach Constantinopoly geschickht mit khlainatern zue dem beschneidungs fest, unnd ist dem orator bey demselben beschaidt geschriben, was er sich bey sollichem fest solle verhallten, die verehrung ist noch nit hir, die khünte auch nhun mehr dasselb fest nicht mehr erraichen.
4] Herr Davidt Ungnadt ist for etlichen tagen ihnn kriegs rhat eingetretten, der herr vonn Hofkhürchen bleibt noch etlich monat alls president, wie ime dann derselb titul vonn der Kay(serlichen) M(ajestä)t confirmiert ist worden unnd der herr Ungnadt sich dieser administration anderst nicht underfachen wellen, allain herr von Hofkürchen bleibe noch ain weill, das er deß wesens process daneben khönde besser faßen.
5] Sultanus hatt dem bassa vonn Ofen allso auch dem vonn Tamaswär jedem ain sabell geschickht, sonst bedeut es krieg, wir haben aber vonn unserm khundtschafftern aus Ofen, das allain pro favore unnd zue ainer ehrung geschickht sein worden, wie dann solliches ain fürnemmer gefangner türgg zue Raab am examen auch gesagt, unnd er wiße von ainichen unfriden oder das ain kriegsrüstung wider christen fürgenommen solle werden, gar nichts, das werde denn friden nicht brechen, das die türggen inn stauden unnd mit rauben sich allso aufhallten unnd etwa schaden thuen, dieser gefangne türgg hatt sich umb 8000 thaller geschäzt unnd ledig gemacht.
6] Der khönig vonn Pollen practiciert noch starckh durch sein orator zue Constantinopoli, damit ime der Markazy übergeben wurde, weill aber der orator khein gellt gehabt, sonndern allain vertröshtung gethan, hatt er wenig beim Sinan Bassa außgericht, dann er 12.000 thaller zugesagt.
7] Der francösisch orator soll zue Constantinopoly starckh anhallten, damit der sultan ain stattliche armada heur laße ausfahren, erbeüt sich dieselb mit munition unnd profiant zueversezen.