Cod. 8960 - 578r

Aus Prag vonn 15. December
Auß Polln hat man nichts rechts lautbars, allain will man allhie sagen, Ir Durch(lauch)t Maximilianus haben Cracau gestürmet unnd die erste schantz erobert, aber iber der andern schantz haben die polaggen (in der statt Cracau) Irer Durch(lauch)t volckh zue rugg geschlagen unnd biß inn 300 mann umbgebracht, gleichsfalls seien sovil oder ain mehrers der polaggen thodt gepliben, darauf haben sich Ir Durch(lauch)t von dem vorigen orth begeben unnd ain winter läger geschlagen, wie die saag 10 meill wegs vonn Cracau gegen den schlesischen gränitzen, und befinde sich der schwedt jetzo inn dem closter bey Cracau, da die F(ü)r(stliche) Durch(lauch)t Maximilianus zuevor gelegen und also zuebesorgen, es werde gegen dem frieling ainen schweren krieg abgeben, dan Ir F(ü)r(stliche) Durch(lauch)t werden nhun mehr von irem vorhaben nit absteen wellen.