Erwähnte Orte
Erwähnte Personen
Titel | Funktion | Identifizierung | Erwähnungen insgesamt |
---|---|---|---|
Maximilian von Österreich |
593
|
||
Polen und Schweden, Sigismund III. von |
448
|
||
Zamoyski, Jan | Amtsträger |
289
|
|
Pommern, Johann Friedrich von |
11
|
Transkript
Auß Praag von 11. Octobriß anno 88
1] Von neuem haben wir noch derzeit wenig zue avisiern, allein das die commissary beyderseidts auf bestimbten ohrt unnd zeit, so inen vor disem ernannth, erscheinen unnd die tractation fur hanndt genommen werden solle.
2] Auß Polln würdet unnder annderm geschryben, wie sich der gannze adel unnd rütterschafft desselben lanndts verglichen und zuesammen gethan, dem schweeden schrüfftlichen übergeben, den gefanngenen Maximilianum deroselben verhafftung widerumben frey und ledig zuestöllen, wa nit, weren sie entschlossen, ine Maximilianum fur iren khönig anzunemmen, waß nun gedachter schweed inn disem sich resolvieren würdet, hat man khunfftig zuvernemmen.
3] So ist gedachter schwed diser zeit zu Warschau, welcher ein lanndtag ausschreyben unnd anstöllen lassen, auß waß ursachen aber solches beschehen, ist noch unbewußt, unnd solle der polnische groß cannzler auf obbemeltem lanndtag mit inn 600 zu fueß unnd 300 zu roß auch erscheinen.
4] Sonnssten ist neulicher tagen der herzog von Pommern mit 150 pfärdten alhie auch ankhommen, was Irer F(ü)r(stlichen) Gn(aden) geschäfften oder dero verrichtung, khan man noch derzeit nit wissen.