Erwähnte Orte
Erwähnte Personen
Titel | Funktion | Identifizierung | Erwähnungen insgesamt |
---|---|---|---|
Zamoyski, Jan | Amtsträger |
289
|
|
Polen und Schweden, Sigismund III. von |
448
|
||
Schweden, Johann III. von |
77
|
||
Maximilian von Österreich |
593
|
||
Sachsen, Christian I. von |
86
|
||
Brandenburg, Johann Georg von |
86
|
||
Rudolf II. | Kaiser |
2139
|
Transkript
Auß Prag vom 24. Octobris anno 89
1] Gleich yezo khumbt mir aber schreyben von Comoren, vermeldet unnder annderm, daß die unnsern abermahls mit 3000 starckh 3 meyl unnder Ofen gewest, den bassa gelockht, hat aber nicht herauß gewölth, auch nit ein ainigen schuß auf sie thuen lassen, seindt also unverrichter sachen widerumb anheimbs gezogen, unnd haben nichts alls ettlich hundert schaff angetroffen, dieselben mit inen hinweckh getryben.
2] Sonnsst vernimbt man, der groß cannzler inn Pollen habe umb schwarze reütter herauß geschriben, die werden ime nit passiert, derowegen wol zuvermuethen, er möchte inn khurz bey Irer Mey(estä)t etc. hilff ersuchen, liget noch ungefahr mit 11.000 starckh bey reißischen Lemburg verschanzt und darf nit herauß.
3] Der schweed solle noch forth auß dem lannd und heim zu seinem vattern sein, vermuettlich werde außsezen und nit mehr wider khommen, also hetten die pollaggen inn khürze drey khönig gehabt unnd yezo keinen mehr.
4] Auf 18. diß sein die Khönigeliche Würde Maximilianus von hier nach Mergetheim verruckht und ire abgesandte alhie hinderlassen, die seind zum churfursten von Sachssen und Brandenburg, waß ir verrichten, ist unbewust, Ir Khön(igliche) Würde sollen gleichwol inn kurz widerumb alhie sein.
5] So ist man khönnfftige wochen der churfurssten alß Sachssen, Brandenburg und Pfalz wie auch dreyer gaystlichen alß Maynnz, Tryer unnd Cöllen beneben annderen furssten abgesandten anckhunfft verwartten, wie dann ire logiament albereit bestöldt, waß nun bey der Key(serlichen) Mey(estä)t etc. ire wörbung oder verrichten sein, würdet man seiner zeit vernemmen.