Erwähnte Personen
| Titel | Funktion | Identifizierung | Erwähnungen insgesamt |
|---|---|---|---|
| Maria de Austria, geb. Österreich | Kaiserin |
162
|
|
| Spanien, Philipp II. von |
3081
|
||
| Frankreich, Elisabeth von, geb. Österreich |
83
|
||
| Gregor XIII. | Papst |
714
|
|
| Rudolf II. | Kaiser |
2139
|
|
| Liegnitz, Friedrich IV. von |
8
|
||
| Liegnitz, Heinrich XI. von |
5
|
||
| Rosenberg, Wilhelm von | Amtsträger |
36
|
Transkript
Aus Prag von 26. July
1] Von hie aus ist dieser zeit nichts sonderlichs, auch vonn der kayserin verruckhen nichts gruntlichs, zue vermelden, die behaim murren nicht wenig, daz sy sovil guets aus dem lanndt fiehren laßt, welliches aines khönigreichs werth geschätzt wirdet.
2] Jungst ist angezaigt, was gestallt die Khö(nigliche) Ma(jestä)t inn Hispanien umb die khönigin vonn Franckhreich wittib werben laße, dieselb für iren gemahell zuehaben, sye soll aber nit geren daran wellen, thüre auch nichts dan trauren und wainen unnd soll der bapst sollicher heürat schon bewilligt haben.
3] Mit den herzogen vonn der Lignitz steht es noch ungehandlet also invor, die Kay(serliche) Ma(jestä)t etc. haben zue sollicher tractation die lanndt officieren citieren laßen, namlich den herren von Rosenberg unnd andere fürnembste stände, deßen sye sich gewaigert und entschuldigt, also habens Ir Ma(jestä)t etc. zuem andern mal citiert, bey wellichem abzuenemmen, was die behaim auf Ire Ma(jestä)t etc. unnd derselben bevelch geben, es wirdet seltzam darvon geredt.
4] Aus Wien haben wir zeitung den 22. diß, daz die nacht zuvor umb 12 uhren alda, auch nechst so auf ettliche meill weegs umb dieselb statt, ain gar erschrockhliches erdbeuden sich erzaigt habe, welliches ungefahrlich ½ inn ¾ ainer stundt continuiert. Man hatt aber nit vernommen, das hiervon schaden sye geschechen.
