Cod. 8955 - 280r-280v

Auß Wien vonn primo Mayo
   1] Noch biß auff dise stundt ist khain gewißhait zuemelden vonn der Kay(serlichen) M(ajestä)t vonn hinnen abraißen auf denn reichstag, erscheint auch sovil alls khain preparation darzue unnd ist die saag, Ir M(ajestä)t wellen denn fürtrag deßen auff 7. diß allhier angesezten lanndtag erwarten unnd schickhen Ir M(ajestä)t disen eill currier nach Mainz zue demselben churfürsten.
   2] Gleich jezo will ain saag außkhommen, das hauß Canischa seye durch verwarloßung gar nachent gar außgeprunnen unnd eben zue derselben zeit haben sich die türggen inn starckher anzall darfor erzaigt, allso das unser kriegsvolckh, so inn derselben vöstin ligt, dem feür unnd dem feindt widerstandt zuethuen genueg zueschaffen gehabt, yedoch habe der feindt mit schaden widerumb mießen abziechen.