Erwähnte Personen
| Titel | Funktion | Identifizierung | Erwähnungen insgesamt |
|---|---|---|---|
| Ferdinand von Tirol |
140
|
||
| Rudolf II. | Kaiser |
2139
|
|
| Maximilian von Österreich |
593
|
||
| Österreich, Haus |
151
|
||
| Possevino, Antonio | Geistlicher |
42
|
|
| Siebenbürgen und Polen, Stefan Báthory von |
312
|
Transkript
Auß Prag vonn 24. November
1] Ertzhörzog Ferdinandt wirdet für dis jar nit mehr allher verwartet, dan Ire F(ürstliche) Durch(lauch)t haben der Kay(serlichen) Ma(jestä)t etc. geschriben, sye khönden sich vor khünftigen ostern nit allher verfügen, mitler weill seind die andern ertzherzogen (Irer Ma[jestä]t gebrüeder) mit iren privat sachen bey hof inn starckher handlung, unnd sonderlich begert ain jeder ain besondere statt zue seiner ordinari residentz, auch über die jhärliche einkhommen derselben freye verwaltung zue haben, dann sy wellen mit irer underhaltung nit mehr kayserlicher rent camer underworffen sein, wie sye seider ableibung Irer Ma(jestä)t unnd durch(lauch)t(igen) herren vattern, kaysers Maximiliani seligister gedächtnuss, gewest.
2] Der padre Possovino, wellicher lange zeit hero inn vergleichung der differentias zwischen der Kay(serlichen) Ma(jestä)t unnd dem vonn Polln tractiert, hat sich uff deßen vonn Polln seitten unnd zue deßen favor bey hiesigem kayserlichem hof dermaßen verdächtig gemacht, daz bemelte vergleichung durch ime nit wirt mögen volfiert, sondern vileicht ain anderer ann sein stell verordnet und disen bevelch gegeben werden.
