Cod. 8958 - 133r

Aus Prag von 26. Marty
   1] Diese verschine woche seindt inn die 22 chur unnd fürsten gesannten allher khommen, vermög zue ende gesetzter verzaichnus umb intercession für den gefangnen fürsten von Sachsen in der Neustatt, wie dan heüt dato des königs von Denmarckht als erster bey der Kay(serlichen) Ma(jestä)t etc. audienz und den anfang gemacht hat. Was sie nun guets verrichten werden, gibt die zeit in die kürtz zuvernemmen.
   2] Göstern umb 4 uhren abents ist ain moschgowiterische pottschafft mit ann 12 personen, sovil roß und 3 bey inen gebreüchigen cleinen wägelin oder collasten allher khommen, und weil sie bey der Kay(serlichen) Ma(jestä)t etc. noch nit audienz ghabt, ist unwisent, was ir begeren sein würdet.
   3] Verzaichnus der obgedachten chur und fürssten abgesanten
  1. Deß khönigs zu Dennmarckht
  2. Ertzbischoffs und churfürssten zu Mainz
  3. Ertzbischoff und churfürsten zue Trier
  4. Hertzog Johann Casmir pfaltzgrave, als vormundt und administrator der
      churf(ürstliche)n Pfaltz
  5. Churfürsten von Brandenburgs
  6. Administratoren zue Magdenburg
  7. Byschoff zue Wirtzburg
  8. Hertzog Wilhelm inn Bayren
  9. Hertzog Reichart
10. Hertzog Philipps Ludwig pfaltzgraff
11. Hertzog Johannes pfaltzgraff
12. Margraff Georg Friderich zu Brandenburgs
13. Hertzog Julius zu Braunschweigs
14. Hertzog Wilhelm zue Gülchs
15. Hertzog Ludwigen zue Würtenbergs
16. Hertzog Ulrichen zue Mechelburgs
17. Margraff Philipsen zu Baden
18. Margraff Ernnsten Früderichs und Jacobs zu Baden gebrüeder abgesante
19. Der dreyen landtgraven zue Hesen, alß Wilhelmen, Ludwig unnd Georgen abgesante
20. Hertzogs von Pomern
21. Hertzog zue Hollstein
22. Deß fürssten von Anhalts