Cod. 8960 - 522r

Aus Prag von 24. November
   1] Deß pollnischen wesens halben stett es noch fast inn zuvor bewusten terminis, befünden sich Ir Khö(nigliche) W(ürden) Maximilianus noch im closter Mogilla an der Weichsell ungefahrlich ain meil ausserhalb Cracau, und derselben khriegsvolckh umb Cracau (wie man sagt) biß in 20m starckh zue roß und fueß, ohne was noch auß Möherhern, Schlesien und andern orthen starckh zueziehen solle, Ir Khö(nigliche) W(ürden) haben biß anhero mit ernst noch nichts firgenommen, woltten pluethvergiessen gern umbgehn sovil immer möglich sein, möchte mit hoffnung denn feind inn Cracau außzuehüngerrn, dieweil man waist, das inn derselben statt grosser mangell an allerlay victualia, ja umb das parr gelth nit zuebekhommen ist, erzaigen sich vil und hochstgedachte Kö(nigliche) W(ürden) ganz mannlich, gewunet dardurch der pollen herzen täglich je mehr, dan derselben sich vil auf Irer Kö(niglichen) W(ürden) seitten begeben.
   2] Die particular alhie versamlette deputierte böchemische stände geen gar vleissig zue rath. Gott gebe, das sie schließen, was zue gemainer christenhait wolfahrth möge gedeien.