Cod. 8963 - 278r

Auß Wien von 24. Aprill anno 90
   1] Hie lands sonders wenig zuschreiben, dann das Ir F(ü)r(stliche) D(u)r(chlauch)t erzherzog Ernst mit gesundhait diese tag widerumb alhie ankommen, vermuetlich für ain zeit residiern werde.
   2] So ist erzherzog Mathias auch nach Linz verruckht. Gott verleihe glükliche regierung.
   3] Sonsten hat man gestern alhie zween junge knaben, der ain von 13, der ander von 17 jaren ihres alters, mit dem schwerdt und feur hingericht, die haben ein zeit lang durch brandt vil schaden gethon. Gott behüet hinforter allen frommen, elteren wie kinder.