Cod. 8954 - 1r-1v

Aus Wienn vom […]
   1] [...]
   2] An des verstorbnen graf Niclausen von S[…]  statt ist unnder dessen herr Hanns
B[…] , hievor hauptman zue hungerischen Altenburg gewesen, verordnet, aber noch zur zeitt kainen obristen zue Canisa confirmiert […] , unnd die hauptmanschafft Presburg, welliche ermelter graf Niclaus von Salm sellig vonn der Khay(serlichen) Ma(jestä)t soliche verleihen oder confirmieren werden, das mag die zeitt erclären.
   3] Der hungerisch lanndtag ist auf 6. dis gehn Presburg uffgeschriben unnd unangesechen, das der tag nun mehr vor der hanndt, so befinden sich doch die Khay(serliche) Ma(jestä)t noch zue Prag, unnd dieweilen die hungern sonnsten gemainelich erst 14 tag oder wol gar ain monat sich hernach dem publicierten tag finden, verhoffen […]  Ir Ma(jestä)t schwacheitt halber sein […]  Ir Khay(serliche) Ma(jestä)t
[…]  unnd sollten noch vor dem hailligen lichtmeßtag alhero gelanngen unnd fürtter alsbaldt nach Presburg verruckhen, dann da Ir Ma(jestä)t selbs personlich dahin khomen sollten, haben vast alle ständt inn Hungern außer den prelatten apertamenta protestiert, nicht allain fir sich selbst unnd in aigner person, sondern auch wol durch ire nunctios, nicht zuerscheinen unnd inn  den wenigsten puncten nichts durchaus zu bewilligen, werden also Ir Khay(serliche) Ma(jestä)t zu abschneidung unnd verhiettung mehrer schwirigkheitt unnd ungedult bey den hungern sich selbs personlich finden miessen.
   4] Man hatt alhie fir gwis ausgeben wellen, der khönig inn Pollen seye inn aigner personn vonn den moscowittern gefanngen unnd mit seinem gantzen hoer erlegt worden, solichs aber befindt sich nicht allein, das der khönig inn Pollen abermalen ain starckhe niderlag erlitten unnd sein maistes hungerisch und pollnisch fuesvolckh erlegt worden seye, mann will auch sagen, der moscowitter seye inn starckher zuberaittung, diese wintterzeitt sich mit noch mehrern ernst und nach allem vermögen umb den verlurst, so er von […]