Erwähnte Orte
Erwähnte Personen
Titel | Funktion | Identifizierung | Erwähnungen insgesamt |
---|---|---|---|
Báthory von Ecsed, Miklós |
2
|
Transkript
Auß Wien vonn 24. Apprill
Die türggen seindt ein zeit hero immerdar inn sammlung gewesen, den ailfften diß auff Onod zuegezogen, daselbsten 2 fleckhen, Onod unnd Molio, verprandt, denen seindt nach gevolgt deß Batthori Nicla husarn, die teütschen reütter unnd archibusier, vonn denselben oberhungerischen besazungen zwischen Erla unnd Onod ann sie khommen, wie sie gleich mit den teütschen reittern im treffen gewesen unnd uff der anndern seitten der obrist vonn Erla auch inn die türggen gesezt unnd die türggen geschlagen, deren über 300 uff der wahlstatt unnd somit inn denn nechsten dörffern thodt gepliben inn der flucht.
Die vonn Erla haben 50 unnd die teütschen reütter biß inn 30 türggen lebendig unnd 5 fhanen darvon gebracht, der türggen sollen biß inn 4000 starckh unnd 5 beeg bey inen geweßt sein, ettliche unnserer husarn sollen nit zuem bössten sich gehallten haben, sonnst hette man denn türggen vill mehreren schaden zuefüegen khönden.