Erwähnte Orte
Name | Zusatz | Identifizierung | Erwähnungen insgesamt |
---|---|---|---|
Braunschweig |
34
|
||
Steiermark | Herzogtum |
109
|
|
Niederlande | Region |
811
|
Erwähnte Personen
Titel | Funktion | Identifizierung | Erwähnungen insgesamt |
---|---|---|---|
Rudolf II. | Kaiser |
2139
|
|
Braunschweig-Lüneburg-Grubenhagen, Wolfgang von |
5
|
||
Strein von Schwarzenau, Reichard |
14
|
||
Ernst von Österreich |
438
|
||
Pavlovský z Pavlovic, Stanislav | Geistlicher |
22
|
|
Westernacher, Sebastian | Amtsträger |
15
|
|
Trautson, Paul Sixt | Amtsträger |
25
|
Transkript
Auß Prag vom 4. dito
1] Die braunschweigische gesannten, so alhie, haben von der Khay(serlichen) M(ajestä)t etc. die regalien noch nit empfangen, von wegen herzog Wolfgang von Gruebenhagen als der altist des fürstlichen hauses der belehenung personlich beywonen sollte, unnd aber bißhero nit erscheinen wellen mit fürgeben, sein lehen sey befreyt unnd er möge darmit seines gefallens disponieren.
2] Herr Reichart Strein ist dem herrn bischoff von Breßlau inn Polln nachgevolgt, unnd gestern des erzherzog Ernsten secretari auf denselben landtag verschickht worden.
3] Inn der Steyrmarckh ists noch nit allerdings richtig, morgen soll der herr Paul Six Trautsam marschalckh dahin verraisen.
4] Die deputierten zue vorhabender niderlendischen fridenstractation seindt noch alhie. Gott wais wan dieselben verruckhen werden.
5] Die aufrüerische paurschafft, so sich hielandts entporet hatt, verlaufft widerumb von sich selbs, der selben gesellen hat man biß inn 50 gefengkhlich hieher gebracht unnd alberaith peinlich zu fragen angefangen, wirdt also dieser paurnkrieg baldt gar ein loch haben.
6] Bey aignem curier haben wir hie zue hof zeitung auß Constantinopl gehabt, daz alda auf 15. October der Khay(serlichen)M(ajestä)t etc. gesanter sambt dem praesent wol ankhommen seye, darauf habe der groß türgg den friden gegen der Khay(serlichen) M(ajestä)t etc. aufs jar widerumb prolongiert.