Cod. 8962 - 120r-120v

Auß Wien von 2. Marty
   1] Von neuem haben wir alhie sonnders wenig, allein daß man dise wochen die statt Wien inn religions sachen angriffen unnd etlichen vielen die gewölber gespöret, würdet wharhafftig ein böser hanndel darauß ervolgen und zue beiden theilen zuem schwerdt gelangen, wie dann der Glesel von Chrembs enndtrünnen müessen und aber widerumb hinauff will mit gewörther hanndt, wol inn 200 armierter soldaten. Der Allmechtig wölle übel verhüetten.
   2] Es halten dise zwue össterreichische landtschafften, lynntzer unnd wiener gebüett, zue Lynntz ein zuesamenkhunfft. Gott verleihe guete verrichtung.