Erwähnte Personen
| Titel | Funktion | Identifizierung | Erwähnungen insgesamt |
|---|---|---|---|
| Rudolf II. | Kaiser |
2139
|
|
| Österreich, Haus |
151
|
Transkript
Auß Wien von 24. dito
1] Von neuem haben wir alhie nichts sonders, allein ist zu Wesprin ein khampff gehalten mit 3 christen und 3 türkhen, darunder ein christ und zwen türggen erlegt worden, so haben auch ire vil coppi gerennt, da sein wol inn 5 türggen auf dem platz gebliben und in die 30 geschädiget.
2] So hat man bey uns die tag in der nahendt herumb aus bevelch unsers kaya gnedigisten fürsten die predig heuser widerumb aufgespört und Gottes wort also offentlich predigen laßt, doch nur an 2 orthen auf ein halbe und gantze meyl von diser statt, dann die fürnembsten herrn von Österreich sein bey Ir Kay(serlichen) M(ajestä)t etc. gewesen und solches widerumb erlangt. Gott verleyhe lang frid und ainigkeit.
3] Die aufrürischen baurn haben auch bey der Kay(serlichen) M(ajestä)t etc. ein guetten beschaid bekhommen, also daz es gantz still worden, dann es nur umb Gottes wort zu thon gewesen, anders haben sie nichts begert.
