Erwähnte Orte
| Name | Zusatz | Identifizierung | Erwähnungen insgesamt |
|---|---|---|---|
| Strasbourg | Straßburg |
336
|
|
| Lübeck |
41
|
||
| Aachen |
175
|
||
| Pfalz | Kurfürstentum |
43
|
|
| Polen | Region |
1234
|
Erwähnte Personen
| Titel | Funktion | Identifizierung | Erwähnungen insgesamt |
|---|---|---|---|
| Rudolf II. | Kaiser |
2139
|
Transkript
Auß Praag von 4. Apprill anno 89
1] Die chur unnd fürsstliche wie auch der stätt Strassburg unnd Lybeckh vor disem allhie ankhommne gesanndten haben am donnerstag auff ire angebrachte peditiones anntwurth von der Kay(serlichen) May(estä)t etc. gehabt, deren innhallt gleichwol nit lauthbar, sovil ich aber vernümb, ist die strassburgerische hanndtlung für zwen monath (zue ferner tractation) eingestöllt, inn wölcher zeit die Kay(serliche) May(estä)t etc. sonderliche commissarien abordnen wöllen, müttler weyl aber sollen die capitulares im bruederhof der anderen parthey alles restituieren, dessen wöllen Ir May(estä)t etc. mit der aacht erklärung innen hallten, wa nit, darmit forthfahren.
2] Inn der aachischen sachen lassen es Ir May(estä)t etc. bey vorigen decretis noch bewennden.
3] Waß sonnssten andere beklagte gravammina betryfft, wöllen sich Ir May(estä)t etc. der notturfft informieren unnd inn allem nichts erwynnden lassen, so zue rhuee und fryde im hayligen reych thienen möchte.
4] Mit solchem beschaydt seynndt obgedachte (ausserhalb der churfürsstlichen Pfaltz) gesanndten am verschinen freytag widerumb zue iren herren oberen verraysset, jedoch auff gemelltten beschaydt ein replica schrüfft hynnderlassen, wölche die gedachte pfaltzische (im namen aller der anderen von hynnen verruckhten gesanndten) Irer May(estä)t etc. uberantwurten sollen.
5] Die pollnische sachen belanngende bestehen dieselben inn zuvor bewussten terminis noch also.
