Erwähnte Orte
Erwähnte Personen
Titel | Funktion | Identifizierung | Erwähnungen insgesamt |
---|---|---|---|
Zamoyski, Jan | Amtsträger |
289
|
|
Maximilian von Österreich |
593
|
Transkript
Auß Prag von 16. Augusty anno 89
1] Vor wenig tagen hatt man layder gesehen, waß die pollaggen im schildt füeren, dann nachdem man inn den jhenigen heüsern, inn welchen sy inn irem alhie sein losirt gewesst, die heüpöden abgeräumt, hatt man ettliche todte weybs persohnen gefunden, mit welchen sy iren verfluechten wollust verbracht, die gleichwol Gott zum tail augenscheinlich gestrafft, das irer inn die 20 die behaimische frantzosen bekommen unnd alhie biß auf dise stundt bey den juden nah inn der chur ligen.
2] Heüt will ausgeben werden doch für keinen grundt, daß der pollnisch cantzler den ertzhertzog Maximilianum von wegen, das die hungeren das jurament nit laissten wöllen, 30 meil weegs weitters von Craccau verschickht soll haben, ist wol zubesorgen, der fromme herr werde noch vil müessen ausstehen, dessen sich der Allmechtig neben unnß erbarmen unnd disen bluethunnden auß dem rachen reyssen wölle.
3] So ist diser tagen die hungerische pottschafft mit vilen pferdten alhie stadtlich ankhommen, waß dero verrichten sein, würdet mann mit erstem vernemmen.