Cod. 8962 - 660v-661r

Ain andere auß Praag gemelts dato
Alhie ist nichts sonnders, allein wurdet außgeben und continuiert, daß der schweed inn Polln zue residiern nit willens, darneben den canzler solch königreich sehr inn die augen steche, sonderlich weil er inn die 20.000 starckh sein solle, auch alle freundtschafft bei den procaeribus sueche, damit er der chron freundtschafft oder maacht vähig sein möchte, ist aber zubesorgen, da er fur sein person nichts zuerhallten vermaint, das er seinen schwager, den cardinal Battori auß Sibenbürgen durch gunst unnd hilf deß turggen darzue zue promoniern furhabens, die ursach, wie ich verstee, die pollaggen uf khunfftig trium regum ainen landtag ußgeschriben, was nun tractiert wurdet gibt zeit.