Erwähnte Personen
| Titel | Funktion | Identifizierung | Erwähnungen insgesamt |
|---|---|---|---|
| Plau, NN. | Amtsträger | Unidentifiziert |
1
|
Transkript
Auß Wien von 23. dito
Von neuem haben wir alhie sonnders wenig, ist dem Allmechtigen gedanckht, diser zeit gantz still, allein daz man khünfftige wochen alhie ain khaiserlichen unnd furnemmen rath, der herr von Plau genant, welcher ain geborner nürnberger, so bei Ir May(estä)t etc. unnd menigelich inn grossem ansehen gewest, dem soll man beede hänndt unnd kopf abschlagen und nachmals verbrennen, die ursachen oder verwurcklung khan man noch der zeit nit wissen. Gott verleih ime christliche geduld.
