Cod. 8963 - 140r

Auß Prag von 26. Febrer anno 90
   1] Von neuem ist es alhie zue hof ein zeit hero gannz still, dem herrn anders nichts zue avisiern, dann das der lang practicierte heyrat zwischen der Kay(serlichen) M(ajestä)t etc. und dern M(ajestä)t etc. in Hispania mit derselben infantin gewisen fortgang haben solle, zu welchem fürhaben der Allmechtige vollender sein wolle.
   2] Mit dem reichstag, das solcher zum ehisten bey chur- und fürsten angestölt, forter im reich, als inn Speir oder Regenspurg zuhalten publiciert und außgeschriben solle werden, darvon wirdet starckh gesagt.
   3] Von der F(ü)r(stlichen) D(urchlauch)t erzherzog Ernsten etc. alhie verrichten ist biß dato nichts außkemmen, vilweniger von deroselben widerumb abreisen würdet noch derzeit wenig gehört.