Cod. 8963 - 835r

Auß Wien von 1. Decembris anno 90
   1] Diese tag ist abermal alhie ein statliche pottschafft nach Polln verruckht, als nemlich der herr Reichart Strein orator, der fürt gar herrliche sachen mit im zuverehren, wie man sagt, soll die Für(stliche) D(urchlauch)t erzherzog Ernst khönig werden, weil der alt schwed gestorben, so mueß, wie man vermueth, der jung schwed nach hauß, umb die cron zubesizen.
   2] Nechsten sontag hellt man zue Preßburg ihren acht oder zehen daz recht, so die redlisfüehrer gewesen, die vor ein halben jar am kopy brechen unnd gehalten khampf dem türggen den aydt gebrochen, derselben inn 200 nidergehauen, man vermaint, werden uber die klingen springen müessen. Gott stand der gerechtigkhait bey.